Бишкектин көчөлөрүндөгү сөз эркиндигин колдогон жүрүшкө чыккан беш адамды милиция кармап кетти. Алардын ичинде «Ата Мекен» партиясынын депутаты Каныбек Иманалиев жана активист Мавлян Аскарбеков да бар.
Бөкөнбаев жана Абдрахманов көчөлөрүнүн кесилишинде жолдон өтүп бараткан учурда беш адам милиция тарабынан кармалды. Аларды ичинде депутат, активист жана ыктымалдуу түрдө, Би-Би-Синин кабарчысы да бар.
Депутат Каныбек Иманалиевдин аракеттеринен кылмыш курамы табылбагандыктан аны 15 мүнөттөн кийин коё беришти.
Жүрүштүн уюштуруучуларынын бири Эдил Байсаловдун айтымында, Свердлов райондук сотунда жүрүштө кармалгандардын аракеттери боюнча иш каралат. Кармалгандар коомдук тартипти бузгандыгы үчүн сот аларга баш коргоо чарасын чыгарат.
![](https://3vd8q441d43nufp9o3y6x1tn-wpengine.netdna-ssl.com/wp-content/uploads/2017/03/Edil-Bajsalov-i-Adil-Turdukulov.-Marsh-Svobody..jpg)
Беш киши кармалгандан кийин сөз эркиндиги үчүн жүрүштүн катышуучулары автобуска кирүүгө аракет кылышты. Бирок милиция кызматкерлери аларды автобустан узакташтырышты. Автобус кармалгандарды салып алып кеткенден кийин акцияга чыккандар пландалган маршрут менен жүрүшүн улантышты.
«Нааразылык акциябызды уланта беребиз, анткени бул бийлик башка жол менен түшүнбөй калды. Биз алардын коё берилишин талап кылабыз», — деди оппозициячы Адил Турдукулов.
Сөз эркиндигине арналган тынчтык жүрүшү Бишкек мэриясы менен макулдашылган. Жүрүштүн катышуучулары транспорт жүргөн жол менен Түштүк дарбазадагы «Жеңиш паркынан» шаардын борборундагы Уркуя Салиеванын эстелигине чейин басып келиши керек болчу.
Жүрүштүн маршруту алдын ала түзүлүп бекитилип, бирок жүрүшкө чыккандарга милиция тоскоолдук кыла баштаган.
Милиция кызматкерлери кабарлагандай, Свердлов райондук сотунун токтому менен жүрүш Лев Толстой көчөсүнө чейин чектелип, андан ары акциянын катышуучулары тротуардан кетиши керек болгон.
Жүрүшкө жарандык активисттер, укук коргоочулар, журналисттер жана алар менен тилектеш болгон адамдар катышты. Алар коомдук желелерде #марш18марта хэштэгин да жарыялашты.
ЖМК өкүлдөрүнөн тышкары жүрүштө парламенттин айрым депутаттары да катышты.
Сүрөт: Даниль Усманов
ТЕМА БОЮНЧА:
- Сүрөт баян: Бишкектеги сөз эркиндигине арналган жүрүш кандай өттү?
- Бишкекте сөз эркиндиги жана саясий укуктар үчүн жүрүш өттү