Премьер-министр Сапар Исаков Ренат Түлөбердиевди Мамлекеттик мүлктү башкаруу боюнча фондусунун (ММБФ) төрагалык кызматына дайындоо боюнча жарлыкка кол койду. Түлөбердиев бул кызматка Дүйшөнбек Зилалиевдин ордуна келди.
Премьер-министр Түлөбердиевди дайындоо боюнча жарлыкка 29-декабрда кол койду.
Ал өзүнүн эмгек жолун 2005-жылы Мамлекеттик резиденцияда протокол кызматынын начальниги болуп иштеп жүрүп баштаган.
Бир жылдан кийин ал президенттин иш башкармалыгынын алдында иш-чараларды уюштуруу боюнча бөлүмдүн жетекчиси болуп калган.
Ал эми 2009-жылы президенттин администрациясында иштей баштаган. Бир жылдан кийин Түлөбердиев Мамлекеттик резиденцияда президенттин иш башкармалыгын жетектеп калган.
Төрт жыл өткөндөн кийин аны Кыргызстандын Стамбулдагы консулу кылып дайындашкан.
2016-жылдын февралында ал президенттин иш башкармалыгынын башчысынын орун басарлыгына дайындалган.
ТЕМА БОЮНЧА:
- Зилалиев кылмыш ишинен улам кызматтан кетти
- Зилалиев УКМКга суракка чакырылды
- УКМК инаугурация күнү бомба тууралуу маалымат үчүн кылмыш ишин козгоду. Буга Зилалиевдин эмне тиешеси...