Ички иштер министрлигиндеги Криминалдык милиция бөлүмүнүн эки кызматкери жана Жалал-Абад облустук ички иштер башкармалыгынын Кылмыш иликтөө бөлүмүнүн милиционери «каракчылыкка» шектелип кармалды.
Бул тууралуу Улуттук коопсуздук боюнча мамлекеттик комитеттин (УКМК) басма сөз кызматынан «Клоопко» 6-февралда кабарлашты.
«Криминалдык милиция кызматынын эки милиционери жана Жалал-Абад ОИИБнин Кылмыш иликтөө бөлүмүнүн милиционери "каракчылыкка" шектелүүдө», — деди УКМКнын басма сөз кызматынан
Мекемеден билдиришкендей, шектелгендерге батир тоногон деген айып тагылууда.
Милиционерлер УКМКнын убактылуу кармоочу жайына камакка алынган.