![](https://ky.kloop.asia/wp-content/uploads/sites/6/2020/01/pozhar-1.jpg)
Жалал-Абад облусунун Сузак районунда 33 жаштагы аял эки баласы менен ис газына ууланып каза болду. Окуя Кызыл-Сеңир айылында 20-январга караган түнү катталган. Балдардын бирөө 7 жашта, экинчиси 5 жашта болгон.
Маркумдун жолдошу Оруссияда эмгек миграцияда иштегендиктен жубайына телефон чалган. Ал эки күн телефон чалууга жооп берген эмес. Ошондо кошуналарынан үй-бүлөсүнөн кабар алууну суранган.
Райондун акими Эрмекбай Омошев айыл өкмөт тарабынан маркумдун туугандарына 10 миң сом материалдык жардам берилгенин билдирди.
«Моорусунан түтүн чыкпай, түтүн [үйдүн] ичине кирген. Окуя болгон үйгө биринчи коңшулары барып кабар алышкан. Ал эми үйдүн эшигин органдар менен биргеликте ачышкан», — деди Омошев.
Буга чейин 2018-жылдын март айында көмүрдүн исине ууланып ата-бала каза тапкан.