Материал жаңыртылып турат.

Республикалык штабдан 4-апрелде билдиришкендей, саат таңкы 10го карата өпкө илдетинин жаңы 14 учуру катталды. 

Коронавирусту жаңы жуктуруп алгандардын алтоосу Жалал-Абад облусунда, бешөө Ош облусунда, экөө Ош шаарында жана бирөө Бишкек шаарында аныкталды.

Ушуну менен COVID-19 вирусун жуктургандардын саны 144 кишиге жетти   тогузу медицина кызматкерлери. Анын 15и Бишкекте,  12и Ош шаарында, 35и Ош облусунда, үчөө Баткен облусунда, 67 адам Жалал-Абад облусунда, алтоо Чүй облусунда, экөө Ысык-Көл облусунда, төртөө Нарын облусунда катталды.

Азыркы учурда коронавирус илдетине чалдыккандардын ичинен 6 адам кайра жандандыруу бөлүмүндө жатат.

1. Ноокатта 59 жаштагы эркек — оор абалда;
2. Ошто 45 жаштагы эркек — өтө оор абалда, жасалма дем алдыруу аппаратына кошулду;
3. Ошто 63 жаштагы аял — оор абалда;
4. Ошто 60 жаштагы аял — оор абалда;
5. Жалал-Абадда 33 жаштагы эркек — оор абалдан чыкты;
6. Нарында 60 жаштагы аял оор абалда.

Ал эми аталган вирусту жуктургандардын ичинен алты адам айыгып үйлөрүнө чыгарылды. Ошондой эле бир киши каза тапты.

Өлкөдөгү маанилүү окуялар боюнча жаңылыктарды жарык көрөөрү менен окуп тургуңуз келсе, анда «Клооптун» соцтармактардагы барактарына жазылыңыз: Фейсбук, Телеграм, WhatsApp, Инстаграм, Твиттер жана Одноклассники.

ТЕМА БОЮНЧА:

Coronalive: Кыргызстандагы жана дүйнөдөгү коронавирустун кырдаалы тууралуу нон-стоп трансляция