АКИpress жана 24.kg басылмалары өз маалымат булактарына таянып, Умуралиева 28-майда парк аймагындагы жерди сатууга шектелип кармалганын кабарлашты.
Анын адвокаты Умуралиеванын кармалганын четке кагып, бирок ага карата иш козголгонун тастыктады. Анын айтымында, алар эмне үчүн укук коргоочунун кеңсеси тинтилгенин териштирүү үчүн УКМКга барышат.
Айрым ЖМКлар Умуралиева 80 миң сом пара алып жаткан жеринен кармалганын билдиришүүдө. Умуралиева өзүнө каршы «коммерциялык сатып алуу» беренеси боюнча иш козголгонун айтууда.
«Арызды Тажибаев деген бирөө жазган, ал Ынтымак паркында коммерциялык түйүн койгусу келген. Ал эки айга деп 50 миң сом төлөгөн, ал акчалар мыйзам чегинде кириштелген. Келишим мага эки айга төлөм алууга мүмкүндүк берет. Эмне үчүн кылмыш иши козголгонун түшүнбөй турам», — деген ал «Кактуска».
УКМК комментарийлер үчүн жеткликсиз болду.
Шаар парктары
Бишкек мэриясы Умуралиеваны 2019-жылы 28-майда «Шаар парктарынын» директорлугуна дайындаган.
Ал учурда Умуралиева жумушка Бишкектин бийлиги тарабынан чакырылганын айткан. Укук коргоочу бул өзү түзүүчү болуп эсептелген «Биздин укук» фондусунун ишмердиги менен байланыштуу болгон деп болжогон.
«Биз (“Биздин укук” уюмунун кызматкерлери) шаарыбыздын бардык жашыл аймактарында чоң изилдөө иштерин жүргүзүп, “Бишкектин жашыл аймактары” китебин чыгардык. Китепте ар бир сейил бактын жана анын өзгөчөлүгүнүн тарыхын баяндап бердик. Балким, бул чөйрөдөгү көйгөйлөр тууралуу бизден жакшы эч ким билбейт болушу керек», — деген ал.
Кийинчерээк Умуралиева дайыма УКМКга сурактарга чакырылып жатканын айтып арыздана баштаган.
