Саламаттык сактоо министринин орун басары Мадамин Каратаев 24-июнда маалымдагандай, өлкөдө акыркы сутка ичинде дагы 28 бейтап коронавирустан айыкты.
Аймактар боюнча:
Бишкек шаарында — 7;
Ысык-Көл облусунда — 6;
Чүй облусунда — 5;
Баткен облусунда — 3;
Ош облусунда — 2;
Нарын облусунда — 2;
Талас облусунда — 2;
Ош шаарында — 1.
Ушуну менен коронавирустан айыккандардын жалпы саны 2082ге жетти — бул жалпы оорулуулардын 55 пайызын түзөт. Айыккандардын арасында 389 медкызматкер дагы бар.
Кыргызстанда 24-июнга карата коронавирустун жаңы 207 учуру катталып, жалпы оору жуккандар 3726га жетти. Ооруканаларда 623 адам жатат — алардын 12си жандандыруу бөлүмүнө которулган.
