Республикалык штаб 10-сентябрга карата COVID-19дун жаңы 71 учуру катталганын маалымдады. Илдетке чалдыккандардын арасында Бишкек шаарында иштеген бир медкызматкер бар.
Аймактар боюнча:
Баткен облусу — 19;
Жалал-Абад облусу — 15;
Бишкек шаары — 15;
Ысык-Көл облусу — 8;
Ош облусу — 5;
Чүй облусу — 4;
Талас облусу — 4;
Ош шаары — 1.
Ошондой эле акыркы суткада коронавирустан 151 бейтап айыкты. Сакайгандардын арасында 19 медик бар — алардын 18и үй шартында дарыланышкан.
Коронавирустан айыккандардын эң көбү Бишкек шаарында катталды — 92. Ошондой эле Жалал-Абад облусунда тогуз, Ысык-Көл облусунда — 23, Баткен жана Ош облустарында сегизден, Чүй облусунда — 10, Талас облусунда жана Ош шаарында экиден, Нарын облусунда бир бейтап сакайып, ооруканалардан чыгарылды.
Ушуну менен Кыргызстанда коронавирусту жуктургандардын саны 44 684кө жетти. Алардын ичинен 40 487 бейтап айыгып, 1 063 киши көз жумду.
Бүгүнкү күндө коронавирустан 532 бейтап ооруканаларда дарыланып жатат. Ошондой эле 2 260 киши үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
