УКМКнын антикоррупциялык кызматы Ветеринардык жана фитосанитардык коопсуздук боюнча мамлекеттик инспекциясында коррупциялык схеманын бетин ачты. Ведомствонун басма сөз кызматы кабарлагандай, бети ачылган факттын бирөөсү боюнча гана шектүүлөр мамлекетке 31 млн сом зыян келтиришкен.
Тергөөнүн версиясы боюнча, мамветинспекция ири жана майда бодо малдын иммундаштыруусуна каралган бюджеттик акчаны мамлекеттик сатып алуулар аркылуу чыгарып турган. Документтерде мал башы көбөйтүлүп жазылган, ал эми жок мал үчүн вакцина жогорулатылган баада сатылып алынып, кийин же кечирилип же жарактуу мөөнөтүн узартуу менен колдонулган.
«Ошол эле учурда, тышкы компаниялардын катышуу мүмкүнчүлүгү чектелген, бул мамлекеттик сатып алууларга жеткиликти көзөмөлдөгү жана аффилирленген жеткирүүчүлөргө камсыз кылып берген», — деп билдиришет ведомстводон.
Сотко чейинки өндүрүш жүрүүдө. Маминспекциянын башчысы, башкармалыктын башчысы, бөлүм башчы жана лабораториянын башчысы кармалып, алар УКМКнын убактылуу кармоо изоляторуна (УКИ) киргизилди.
