Республикалык штаб 12-ноябрда Кыргызстанда коронавирустун жаңы 527 учуру катталганын маалымдады. Илдетти жуктуруп алгандардын арасында төрт медициналык кызматкер бар.
Аймактар боюнча:
Бишкек шаары — 108 (эки медкызматкер);
Жалал-Абад облусу — 105 (бир медкызматкер);
Чүй облусу — 97;
Ысык-Көл облусу — 59;
Ош шаары — 51;
Баткен облусу — 49 (бир медкызматкер);
Ош облусу — 36;
Талас облусу — 15;
Нарын облусу — 7.
Ошондой эле акыркы суткада коронавирустан 518 бейтап айыкты — алардын арасында жети медкызматкер бар. Мындан сырткары ооруну жуктурган беш киши көз жумду.
Коронавирустан айыккандардын эң көбү Жалал-Абад облусунда катталды — 108. Ошондой эле Баткен облусунда — 104, Бишкек шаарында — 95, Ош облусунда — 69, Ысык-Көл облусунда — 59, Чүй облусунда — 38, Талас облусунда — 21, Ош шаарында — 20 жана Нарын облусунда төрт бейтап сакайып, ооруканадан чыгарылды.
Ушуну менен Кыргызстанда COVID-19 инфекциясын жуктургандардын саны 64 887 жетти. Анын ичинен 55 824 бейтап айыгып, 1 193 киши дүйнө салды.
Бүгүнкү күндө илдеттен 3 347 бейтап ооруканаларда дарыланып жатат — алардын ичинен 158 киши өтө оор абалда. Ошондой эле, 3 850 адам үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
