Жогорку соттун басма сөз кызматы Бишкектин Октябрь районунун мурдагы акими Константин Куценко үй камагына жөнөтүлгөнүн кабарлады.
Куценко 2021-жылдын 11-январына чейин үй камагында болот.
Бишкектин Октябрь районунун мурдагы мэри Константин Куценко 23-ноябрда Финполиция тарабынан кармалган. Ал сот өкүмү боюнча конфискацияланган жер участогунун ээсин алмаштыруу боюнча жана коррупциялык схемага аралашкан деп шектелүүдө.
Ошол эле учурда бул экс-аким фигурант болгон биринчи эле кылмыш иши эмес. Ал мурдараак «Даймонд Сити» турак жай комплексин куруп жаткан Кытайдын B.L.S курулуш компаниясын рейдерлик басып алуу тууралуу ишинде да шектүү катары өткөн.
Тергөөнүн версиясы боюнча, Куценко B.L.S. компаниясындагы Кытайдын жарандарына каршы доо арыз жазган, тагыраагы, рейдерлер менен судья Жаркееванын ортосундагы ортомчу болгон. Кийинчерээк ал тергөө менен кызматташа баштап, судья рейдерлердин пайдасына чечим чыгарышы үчүн өзү ага 90 миң доллар бергенин айтып көрсөтмө берген.
Бишкектин мэринин милдетин аткаруучу Балбак Түлөбаев Куценкону Октябрь районунун акимчилик кызматына 2-ноябрда дайындаган. Юрист жана БШКнын мүчөсү Кайрат Осмоналиев соттук териштирүүлөр аяктабаганына байланыштуу мындай дайындоого нааразы болгон.
Куценкону кармалгандан кийин калаа мэринин милдетин аткаруучу аны Октябрь районунун башчысы кылып дайындаганы үчүн бишкектиктерден кечирим сурап, мындан ары «абайлап, сак болобуз» деп убадалаган.
Мындан тышкары, Константин Куценко тууралуу ал ММАнын чеберлер жана кыргыз панкратион лигасынын башчысы, ошондой эле Фитнес боюнча федерациясынын вице-президенти болуп саналат.
Ошондой эле Юстиция министрлигинин реестриндеги маалымат боюнча, Куценко үч компаниянын жетекчиси катары көрсөтүлгөн: «Жолборс Тим» спорт клубу, юридикалык кызматтарды көрсөткө «Констант компани» жана «Злата Кей Джи» коомду уюму.
