Республикалык штаб 13-декабрда өлкөдө коронавирустун жаңы 297 учуру катталганын маалымдады. Коронавирус инфекциясын жуктургандардын арасында төрт медициналык кызматкер бар.
Аймактар боюнча:
Бишкек шаары — 93 (бир медкызматкер);
Чүй облусу — 66;
Ысык-Көл облусу — 57 (бир медкызматкер);
Жалал-Абад облусу — 25 (эки медкызматкер);
Баткен облусу — 17;
Ош облусу — 16;
Талас облусу — 9;
Ош шаары — 9;
Нарын облусу — 5.
Ошондой эле акыркы суткада коронавирустан 398 бейтап сакайды — алардын арасында 11 медкызматкер бар.
Коронавирустан Бишкек шаарында — 122, Чүй облусунда — 101, Жалал-Абад облусунда — 52, Ысык-Көл облусунда — 36, Баткен облусунда — 35, Ош облусунда — 24, Талас облусунда — 12, Ош шаарында тогуз жана Нарын облусунда жети бейтап сакайып, ооруканадан чыгарылды.
Ушуну менен Кыргызстанда COVID-19 инфекциясын жуктургандардын саны 77 356га жетти. Анын ичинен 70 192 бейтап айыгып, 1 307 киши көз жумду.
Бүгүнкү күндө илдеттен 2 086 бейтап ооруканаларда дарыланып жатат — алардын ичинен 94 киши өтө оор абалда. Ошондой эле, 2 898 адам үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
