Республикалык штаб 14-апрелде өлкөдө коронавирустун 240 жаңы учуру катталганын маалымдады. Ооруну жуктургандардын арасында 15 медкызматкер бар.
Аймактар боюнча:
Бишкек шаарында — 133 (сегиз медкызматкер);
Чүй облусунда — 85 (төрт медкызматкер);
Ысык-Көл облусунда — 10 (үч медкызматкер);
Ош облусунда — 5;
Талас облусунда — 4;
Баткен облусунда — 2;
Нарын облусунда — 1.
Ошондой эле өткөн суткада 161 бейтап айыкты. Бишкек шаарында — 118, Чүй облусунда — 21, Ысык-Көл облусунда сегиз, Ош шаарында жана Ош обусунда төрттөн, Жалал-Абад облусунда үч, Нарын облусунда эки жана Баткен облусунда бир киши оорудан сакайды.
Мындан сырткары COVID-19дан Бишкек шаарында эки бейтап көз жумду.
Жалпысынан Кыргызстанда COVID-19 инфекциясын жуктургандардын саны 90 839га жетти — алардын ичинде 4 326 медик бар. Оорудан 86 313 бейтап айыгып, 1 534 киши көз жумду.
Бүгүнкү күндө 968 бейтап ооруканаларда дарыланып жатышат — алардын 25и өтө оор абалда. Мындан сырткары 1 058 киши үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
