Жалал-Абад облусунун Тогуз-Торо районунда Нарын дарыясынан өткөн экинчи эстакадалык көпүрөгө асфальт төшөлдү. AKIpress басылмасы кабарлагандай, көпүрөнүн жалпы узундугу дээрлик 400 метрди түзөт.
Ал биринчи көпүрө сыяктуу эле Казарман шаарына жакын Кабака капчыгайына жакын жерде жайгашкан. Эми куруучулар жол белгилерин жана тышкы жарыктандырууну орнотуу боюнча иштерди жасап, сырдоого даярданууда.
Ишти аткарып жаткан жалданмачы China Road and Bridge Corporation компаниясынан Түндүк — Түштүк альтернативдик унаа жолу үчүн эки эстакадалык көпүрө иштелип чыкканын билдиришти. Биринчи көпүрөнүн узундугу 1076 чакырым, жолдун туурасы 11,5 метр, көпүрөдө туурасы 0,75 метр эки тротуар бар.
Көпүрөлөр болжол менен 82 метр бийиктикте жайгашып, дарыянын нугундагы дөбөлөр 46 метр тереңдикке орнотулуп, таянычтын узундугу 36 метрди түзгөн.
Биринчи көпүрөнүн курулушу августтун башында аяктагап, ага асфальт үстүбүздөгү жылдын октябрь айында төшөлөөрү маалымдалды.
Эки көпүрөнүн курулушу 4 жыл мурун башталган. Курулуштун бардыгын 2019-жылы бүтүрүү пландалган болчу.
