Республикалык ыкчам штабдын маалыматына караганда, 7-январга карата сутка ичинде Кыргызстанда коронавирус жуктурган үч бейтап көз жумду. Ушуну менен пандемия башталгандан бери өлкөдө 2 814 адам илдеттен каза тапты.
Ал эми өткөн суткада коронавирус жуктургандардын саны 247ге жетти.
- Бишкек — 151;
- Ош — 11;
- Чүй облусу — 37;
- Ош облусу — 11;
- Талас облусу — 6;
- Нарын облусу — 2;
- Ысык-Көл облусу — 10;
- Жалал-Абад облусу — 18;
- Баткен облусу — 1.
Пандемия башталганы Кыргызстанда жалпы 185 484 адамга вирус жукса, алардын 180 166сы илдетти жеңди. Ал эми акыркы суткада 58 бейтап ооруканадан чыкты.
Өткөн бир сутка ичинде 6 398 адам эмдөөдөн өттү, анын ичинен 2 669 киши вакцинанын биринчи дозасын, 3 729 адам экинчи дозасын алды.
