Бишкекте 14 жаштагы өспүрүм көп кабаттуу үйдүн тогузунчу кабатындагы батирдин терезесинен кулап, каза тапты. Бул тууралуу Октябрь РИИБдин басма сөз кызматынан билдиришти.
Мекемеден кырсык 18-май күнү эртең менки саат 08:00 чамасында кабарланганын, окуя Каралаев көчөсүндө болгону айтылган.
«Кырсык болгон жерге милиция бөлүмү барган. Маркум 14 жаштагы өспүрүм бала экени аныкталган», — деп билдиришти РИИБден.
Милиция тергөөгө чейинки териштирүү иштерин баштап, тийиштүү экспертизаларды дайындаган.
