Нарын облусунун Кочкор районунда жол кырсыгынан төрт адам адам каза таап, эки адам түрдүү жаракаттарды алды. Бул тууралуу ӨКМдин басма сөз кызматы маалымдады.
«Жол кырсыгы Теңдик айылынан өткөн Бишкек – Нарын – Торугарт унаа жолунун 125-чакырымында болгон. КамАЗ үлгүсүндөгү оор жүк ташуучу унаа менен Audi 100 үлгүсүндөгү жеңил унаа кагышкан», — деп билдиришти ӨКМден.
Мекемеден билдиришкендей, жабыркаган эки адам Кочкор райондук ооруканасына жеткирилген, ал эми каза тапкан төрт адамдын сөөгүн куткаруучулар унаалардан чыгарып, милицияга өткөрүп беришкен.
