Кыргызстандагы Фармацевтика союзунун төрагасы Эрнист Асанов «Спутник Кыргызстан» басылмасындагы брифингде өлкөдө 400гө жакын дарынын таңкыстыгы пайда болгонун билдирди.
Анын айтымында, Кыргызстанда рынок кичине болгондуктан заводдор түздөн-түз каттоону каалабаган препараттардын таңкыстыгы жаралууда. Ал министрлер кабинетинин өлкөгө каттоосуз алып келинчү дары-дармектердин тизмесин кеңейтүү чечимин колдой турганын билдирди.
«Чет элдик препараттарды Түркиядан, Индиядан, Кытайдан жана кээ бир Европа өлкөлөрүнөн алып келүүнү пландап жатабыз. Калктын суроо-талабын толугу менен камсыз кыла алабыз деген үмүттөбүз», — деди ал.
Асанов Кыргызстанга дары-дармек 30 өлкөдөн ташылып келерин, алардын көпчүлүгү Орусиядан алынып келинерин билдирди. Буга чейин Кыргызстан 95% дары-дармек импортунан көз каранды экени белгилүү болгон.
Кыргызстанда минкабдын токтому күчүнө кирген, ага ылайык, милдеттүү каттоосу жок өлкөгө алып кирүүгө уруксат берилген дары дармектердин тизмеси түзүлгөн. Токтом 2020-жылдын март айында, чек аралар жабылып, коронавируска каршы дары-дармектердин жетишсиздиги пайда болгондо кабыл алынган. Быйыл 24-июнда министрлер кабинети токтомдун колдонуу мөөнөтүн узартуу боюнча чечим чыгарып, дары-дармектердин тизмесин кеңейткени маалым болгон.
Бул фармацевтика жаатындагы эксперттердин ортосунда бир катар талаш-тартышты жараткан. Алардын айрымдары токтомдун кесепетинен улам дарыканалар «кооптуу дарыяларды алып кире башташканын» айтышкан. Минкабдын чечимин колдогондор лицензиянын мөөнөтүн узартуу дары-дармек каатчылыгын алдын алууга жардам берет деп эсептешет.
