Укук коргоо орган кызматкерлери Бишкекте кызга кол салган жүргүнчүнү издеп жатат. Бул тууралуу Биринчи май РИИБдин басма сөз кызматы «Клоопко» билдирди.
Алардын маалыматына ылайык, 27-сентябрда жабыркаган кыз милицияга кайрылган. Ал коомдук транспортто бараткан киши сөгүнүп-сагынып, денесине залал келтиргенин билдирген.
Окуя маалыматты каттоо журналына киргизилип, тергөөгө чейинки текшерүү башталган.
Буга чейин Тик-Ток соцтүйүнүн колдонуучусу окуянын видеосун жарыялаган.
@user85fydbbjn8
Ал окуя №7 автобуста болгонун билдирген. Улгайган киши кызга досуна орун бошотуп бербей койгону үчүн кол көтөргөн.
«Ал мен отуруп досу туруп баратканына жинденди. Орун бер деп сурабай эле ургулап баштады», — деп жазган ал.
Видеодо аталган киши кызды коркутуп, кызга болушкан башка жүргүнчүлөрдү дагы сөгүп жатканын көрүүгө болот.
Тема боюнча: «Досума орун бербей койду». Бишкекте автобустун жүргүнчүсү кызга кол салды
