Умбриэль Темиралиев «Бишкек» эркин экономикалык аймагынын жетекчиси болуп дайындалды. Тиешелүү буйрукка 8-сентябрда минкабдын төрагасы Акылбек Жапаров кол койду.
Маалыматка ылайык, өлкө башчысы Садыр Жапаров Темиралиевди Улуттук инвестиция агенттигинин жетекчиси кызматынан 7-сентябрда бошоткон.
Темиралиев аталган кызматка өткөн жылдын 26-сентябрында дайындалган.
Үстүбүздөгү жылдын январь айынан тарта «Бишкек» эркин экономикалык аймагынын жетекчиси кызматын Алмамбет Шыкмаматов жетектеп келген.
Шыкмаматов 5-сентябрда «Мамлекеттик ипотекалык компания» ААК башкармалыгынын төрагасы болуп дайындалган.
«Бишкек» эркин экономикалык аймагы 1995-жылы түзүлгөн. Аймакка бир катар жеңилдиктер берилип, 346 гектар аянтты ээлейт. Учурда эркин экономикалык аймакта 313 субъект катталса, анын 58и биргелешкен ишкананы түзөт.
ТЕМА БОЮНЧА:
«Бишкек» эркин экономикалык аймагын экс-депутат Алмамбет Шыкмаматов жетектейт
Алмамбет Шыкмаматов Мамлекеттик ипотекалык компанияга жетекчи болду
