Республикалык штаб 15-декабрда өлкөдө коронавирустун жаңы 236 учуру катталганын маалымдады. COVID-19ду жуктургандардын арасында эки медициналык кызматкер бар.
Аймактар боюнча:
Чүй облусу — 82;
Бишкек шаары — 51;
Ысык-Көл облусу — 47 (бир медкызматкер);
Жалал-Абад облусу — 24 (эки медкызматкер);
Ош облусу — 9;
Баткен облусу — 6;
Талас облусу — 6;
Ош шаары — 6;
Нарын облусу — 5.
Ошондой эле акыркы суткада коронавирустан 417 бейтап сакайды — алардын арасында 11 медкызматкер бар.
Коронавирустан Бишкек шаарында — 118, Чүй облусунда — 95, Ош шаарында — 43, Жалал-Абад облусунда — 41, Ысык-Көл облусунда — 38, Ош облусунда — 32, Баткен облусунда — 27, Талас облусунда — 15 жана Нарын облусунда сегиз бейтап сакайып, ооруканадан чыгарылды.
Мындан сырткары коронавирус Бишкек шаарында жана Чүй облустарында экиден бейтаптын өмүрүн алды.
Ушуну менен Кыргызстанда COVID-19 инфекциясын жуктургандардын саны 77 910го жетти. Анын ичинен 70 867 бейтап айыгып, 1 316 киши көз жумду.
Бүгүнкү күндө илдеттен 1 948 бейтап ооруканаларда дарыланып жатат — алардын ичинен 86 киши өтө оор абалда. Ошондой эле, 2 904 адам үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
