Республикалык штабдан 16-декабрда коронавирустун жаңы 241 учуру катталганын маалымдашты.
Аймактар боюнча көрсөткүч:
Чүй облусу — 55;
Бишкек шаары — 73;
Жалал-Абад облусу — 19;
Ысык-Көл — 38;
Ош облусу — 22;
Баткен облусу — 12;
Ош шаары — 13;
Талас облусу — 6;
Нарын облусу — 3.
Жалпысынан Кыргызстанда COVID-19га чалдыккан бейтаптардын саны 78 151ге жетти. Мындан сырткары акыркы суткада жүргүзүлгөн ПЧР изилдөөлөрдүн саны — 3 141.
Ошондой эле, акыркы суткада 403 бейтап коронавирустан айыгып, үйлөрүнө чыгарылды. Сакайгандардын эң көбү Бишкек шаарынан катталды — 119, Жалал-Абад облусунда — 37, Ош облусунда — 28, Ош шаарында — 25, Баткен облусунда — 27, Чүй облусунда — 101, Ысык-Көл облусунда — 54, Нарын облусунда — 8, Талас облусунда — 4 бейтап сакайды.
Ушуну менен өлкө боюнча 71 270 бейтап оорудан айыкты. Ооруканаларда 1 845 бейтап дарыланып жатат. Анын ичинен 92 киши өтө оор абалда. Ал эми үй шартында 2 841 киши дарыланып жатат.
Ошондой эле, акыркы суткада Ош облусунан бир COVID-19ду жуктурган бейтап каза болду. Ушуну менен Кыргызстанда илдеттен 1 317 киши көз жумду.
Мындан сырткары, өлкө боюнча сегиз медкызматкерден коронавирус аныкталды. Бишкек шаарынан — эки, Ош, Баткен, Чүй облустарынан — бирден жана Ысык-Көл облусунан — үч медик COVID-19га чалдыккан. Ал эми бир суткада 15 медик айыкты.
Ушуну менен коронавирус жуктурган медицина кызматкерлеринин жалпы саны 4 049га жетти, анын ичинен 3 796 медкызматкер илдеттен айыкты.
