6-июнда коронавирустун жаңы 337 учуру катталды. Анын ичинде лаборатордук тастыкталганы — 281, клинико-эпидемиологиялык тастыкталганы — 56. Бул тууралуу республикалык штабдан маалымдашты.
Аймактар боюнча көрсөткүч:
Бишкек шаарында — 126;
Чүй облусунда — 36;
Ысык-Көл облусунда — 21;
Ош шаарында — 62;
Ош облусунда — 45;
Жалал-Абад облусунда — 33;
Талас облусунда — 1;
Баткен облусунда — 8;
Нарын облусунда — 5.
Жалпысынан Кыргызстанда COVID-19га чалдыккан бейтаптардын саны 106 973кө жетти.
Ал эми акыркы суткада 333 бейтап коронавирустан айыгып, үйлөрүнө чыгарылды. Бишкек шаарында — 191, Чүй облусунда — 69, Ош жана Баткен облустарында — төрттөн, Ош шаарында — алты, Талас облусунда — беш, Ысык-Көл облусунда — 39, Жалал-Абад облусунда — 15 бейтап сакайды.
Ушуну менен өлкө боюнча 100 447 киши оорудан айыкты. Ооруканаларда 1 732 бейтап дарыланып жатат. Анын ичинен 448 киши оор, 93 бейтап өтө оор абалда. Ал эми үй шартында 1 914 киши дарыланып жатат.
Акыркы сутка ичинде жүргүзүлгөн ПЧР изилдөөлөрдүн саны — 4 623.
Мындан сырткары, акыркы суткада Бишкек шаарында — төрт, Чүй облусунда — бир COVID-19ду жуктурган бейтап каза болду. Кыргызстанда илдеттен 1 847 киши көз жумду.
Ошондой эле, акыркы суткада 11 медицина кызматкеринен коронавирус аныкталгандыгы кабарланды. Бишкек шаарында — алты, Ош шаарында жана Ош облусунда — экиден, Жалал-Абад облусунда — бир медиктен илдет аныкталды. Жалпысынан коронавирус жуктурган медицина кызматкерлеринин саны 4 742ге жетти, анын ичинен 4 619 медкызматкер илдеттен айыкты.
