Токтогул районундагы Бишкек — Ош жолунунун 260-чакырымында «Хонда-CR-V» жана «Мерседес-бенц Спринте» үлгүсүндөгү унаалар кагышып, натыйжада 65 жаштагы киши каза таап, алты жаран жабыркады. Бул тууралуу ӨКМдин басма сөз кызматы билдирди.
Жабыркагандардын абалы оор экени айтылууда.
Кырсык болгон жерге беш куткаруучу тартылып, каза болгон жарандын сөөгүн унаадан алып чыгарылган. Ал эми жабыркаган алты жаран Токтогул райондук ооруканасына жеткирилген.
Жол кырсыктары көбөйгөнүнөн улам президент 14-июнда ИИМге жол-транспорт кырсыктарын алдын алуу боюнча иш-чаралар копмплексин күчөтүүнү тапшырган.
ЖКККБнын маалыматына ылайык, 2021-жылдын алты айында 3 396 жол кырсыгы катталган. Мурдагы жылы алардын саны аз болгон — ошол эле мезгил боюнча 2 432 жол кырсыгы катталган.
