Оштогу «Мирзалим» самсаканасы кайрадан иштей баштады. Бул тууралуу 18-апрелде Кара-Суу санэпидемиологиялык бөлүмүнөн билдиришти.
Маалыматка караганда, аталган самсаканага 23 миң сом айып салынып, ээсине аны капиталдык оңдоп-түзөөдөн өткөрүү жүктөлгөн. «Иш толук аткарылганына» байланыштуу ишмердүүлүк жүргүзүүгө уруксат берилгени айтылды.
9-апрелде блогер Улукбек Карыбек уулу аталган самсанакада санитардык нормалар бузулганы тууралуу видео жарыялаган. Анда самса даярдалуучу фарштын ичине губка коюлганы белгилүү болуп, кызуу талкууга алынган.
Видео чыккандан кийин, 11-апрелде, «Мирзалим» оңдоп-түзөө үчүн жабылган.
