«Каракчылыкка» шектелип, 2015-жылдан бери издөөдө жүргөн кыргызстандык жаран Польшада кармалды. Бул тууралуу «Клоопко» 16-февралда ИИМден билдиришти.
Маалыматка ылайык, 2015-жылы Кызыл-Кыя шаарынын Караван айылында автомат менен куралданган төрт белгисиз киши Honda CRV үлгүсүндөгү унааны токтотушкан. Унаанын айдоочусун «өлтүрөм» деп коркутуп, анын 1 млн 30 миң долларын алып коюшкан.
Кийинчерээк кылмышка шектүү делген үч киши кармалып, төртүнчүсү белгисиз тарапка качып кеткен.
Качып кеткен шектүү 9-февралда Польша — Украина «Любачув» көзөмөл-өткөрүү пунктунда кармалды.
«Учурда аны экстрадициялоо жана кылмыш жоопкерчилигине тартуу маселеси каралууда», — деп билдиришти милициядан.
Буга чейин, Ош шаарынын Тилеке-Баатыр көчөсүндө жайгашкан соода борборунун бирин тоноп, 5 млн 350 миң сом уурдоого шектелип чет өлкөлүк жаран кармалган.
Бул факт боюнча «Уурулук» беренесинин негизинде кылмыш иши козголуп, тергөө иштери жүрүп жатат.
ТЕМА БОЮНЧА:
Ири суммадагы акча уурдоого шектелип чет өлкөлүк жаран кармалды
Баткен: Дүкөндө кишини атып өлтүрүүгө шектелген киши Тажикстанда кармалды
