Дүйнөлүк көчмөндөр оюндарында Кырчын жайлоосунда 288 боз үйдөн турган «Кыргыз айылы» этно шаарчасынын ачылышы болду. Шаарчада коноктор түрк элдеринин каада-салт жана үрп-адаттары менен тааныша алышат.
«Кыргыз айылы» этношаарчасы Бишкек жана Ош шаарлары, андан сырткары Кыргыз Республикасынын жети облусунун атынан тигилген тогуз конуштан турат, ар биринде 25тен боз үй бар.
Шаарчанын конокторун борбордук кире бериштен улуттук кийимчен улан-кыздар тосуп алышат. Кире бериштеги дарбаза туулар менен жасалгаланган жана эки тарабынан балбалдар орнотулган.
Этно шаарчанын ачылышы «Көчмөндөр ааламы» фольклордун фестивалы менен коштолду.
Анын борбордук аянтында «Хан-Ордо» деп аталган эң чоң боз үй орнотулган. Анын эки жагынан күзөт мунаралары тургузулган. Жанында болсо коноктор үчүн эки боз үй тигилген.
Башка боз үйлөр болсо тез жардамга, өзгөчө кырдаалга жооптуу кызматтарга жана ошондой эле чет элдик басылмалар үчүн басма сөз борборуна арналган.
«Кыргыз айылы» шаарчасынын аймагында чет элдик делегациялар өздөрүнүн улуттук турак-жайын орнотуусу үчүн атайын жер бөлүнүп берилген.
Бардык келгендер үчүн 60 боз үйдө тамактануу жана соода-сатык түйүндөрү уюштурулган.
Көчмөндөр оюндарынын уюштуруучулары коноктордун ыңгайы үчүн 87 чарчы метр аянтты камтыган унаа токтотуучу жай ачышкан. Ал «Кыргыз айылынан» алыс эмес жерде орун алган.
II Дүйнөлүк көчмөндөр оюндары Чолпон-Атада 3үнөн 8-сентябрга чейин өтөт.
Тема боюнча:
- Сүрөт жана видео: II Дүйнөлүк көчмөндөр оюндарынын ачылышы
- ДКО-2016дагы биринчи күн: Кыргызстандын биринчи алтыны жана «Көчмөндөр ааламы» фестивалынын ачылышы
Сүрөт: Светлана Зеленская
Видео: Тилек Бейшеналы уулу, Александра Ли
