Италиянын тоолуу аймагындагы «Ригопиано» мейманканасына 18-январда көчкү түшүп, үч кабаттуу имаратты он метрге жылдырып, тамын сындырып салган. Мейманканада 30дан ашык адам болгон, анын 20сын куткаруучулар таап чыгышкан.
«Ригопиано» мейманканасына көчкү түшкөндөн кийин Италиянын ӨКМси 40 сааттан ашык издөө жүргүзүп, аман калгандарды таап чыгышкан. Би-Би-Синин маалыматы боюнча, куткарылгандардын экөөсү жаш балдар. Reuters маалымат агенттигини ырасташынча, кар көчкүнүн астынан төрт баланы алып чыгышкан.
Адамдар кардын астында эки күн болушкан. Алар тик учак менен кооптуу аймактан эвакуацияланган. Мейманканадагы төрт адамдын көз жумганы тастыкталган.
Кар менен таштандылардын арасынан кол менен тинтүү жүргүзүлүп, иттердин жардамы да пайдаланылган.
Италиянын өрт кызматынын сайтында жазылгандай, 20-январга карата тогуз адам көчкүнүн астынан чыгарылган. Бирок куткаруу иштери дагы эле уланууда.
Аймакта кар жаап, кардын калыңдыгы беш метрге чейин жетет. Чукул кызматтын өкүлдөрү мейманканага чейин лыжа менен барууга туура келгендиктен, алар 19-январь күнү эртең менен араң жеткен.
Мейманканага барган жолдор кар менен тосулган, куткаруучулар аман калгандарды издегенче, бийлик мейманкананын жолун тазалоодо.
«Ригопиано» мейманканасында тургандардын биринен «Жардамга, биз тоңуп атабыз» деген кабар түшкөн. Мейманкана 18-ноябрда Гран-Сассо тоосунан түшкөн көчкүнүн алдында калып калган.
Мейманкана Абруццо аймагында жайгашкан, анда 18-январда жер титирөө катталып, кар көп жааган.
ТЕМА БОЮНЧА:
- Италияда кар көчкү мейманкананы басып калды. Эмне белгилүү?
- Муз доору: Дүйнө адаттан тышкаркы суукту кантип башынан кечирип жатат?
