Өкмөттүн Ош облусундагы ыйгарым укуктуу өкүлү Таалайбек Сарыбашов мамлекеттик жумушчулар жеке кызыкчылыктары үчүн кызматтык автомобилдерди колдонбошу керек экенин билдирди.
Ош облусунун 2017-жылдагы иш-аракеттеринин жыйынтыгы боюнча 29-январда өткөн жыйында Сарыбашов мамлекеттик жумушчулар кызматтык машинасын иш убактысынан сырткары колдонот деп сындаган.
«Кызматтык унаалар иш убактысынан сырткары жеке иштерге пайдаланылып жатат. Жумуштан кийин кафе-ресторандардын алдында токтоп турган унааларды көрүп калып жатам», — деген Сарыбашов.
Ал кызматтык машиналар жеке кызыкчылыктар үчүн колдонулбашы керек экенин айтып, аким жана мэрлерге, ошондой эле мамкызматкерлерге бул жагдайды көзөмөлгө алууну тапшырма берген.
ТЕМА БОЮНЧА: