Билим берүү министрлигинин басма сөз кызматы 29-майда текшерүүнүн жыйынтыгы боюнча лицейдин директору кызматынан алынганын билдирди. Текшерүү анын жумушунда бузууларды тапкан.
Абдуллаеванын кызматтан бошотулушу аны мыйзамсыз акча чогултууларга айыптаган лицейдин окуучуларынын ата-энелеринин даттануулары жана митингдеринен кийин орун алды. Ата-энелер мектептин администрациясы айына 2 млн сомго чукул акча чогултат деп айтышкан.
Абдуллаева 22-апрелде окуучулардын ата-энелери аны «басым жана кийлигишүүгө» айыптатпашы үчүн кызматынан өзү убактылуу кеткен. Ал өз дарегине айтылган айыптоолорду «негизсиз» деп атаган, анткени мектеп чыгымдарынын бир бөлүгүн өз эсебинен жабууга аргасыз.
Башкы прокуратура мектептин чыгымдарын апрелдин ортосунда текшере баштаган.
