Айдоочу болуп иштегиси келген мигранттарга эми Орусиядан айдоочулук күбөлүктү алышка туура келет. Чет элдик күбөлүгү болгон айдоочулар Орусиянын күбөлүгүн алганга чейин жумушунан четтетилет.
Мамдумадан билдиришкендей, бул мыйзам 2013-жылы эле кабыл алынган, бирок айдоо боюнча сынак тапшыруу үчүн атайын аянтча жок болгондуктан аны күчүнө киргизбей келишкен.
Мыйзамга ылайык, чет элдик айдоочулук күбөлүк менен иштеп жүргөндөр 1-июндан тарта жумуштарынан четтетилмекчи. Орусиянын айдоочулук күбөлүгүн алыш үчүн алар үч милдеттүү экзамен тапшырышат: бир теориялык жана эки практикалык (бири автодромдо, дагы бир шаардын ичиндеги шарттарда).
Кыргыз мигранттары
Орусиядагы мигранттардын статистикасы боюнча Кыргызстан 5-орунда турат. Кыргыз бийлигинин билдиришинче, учурда Орусияда 500 миңден 1 миллионго чейин жарандар эмгек миграциясында жүрүшөт.
Кыргыз улуттук банкынын отчётунда Орусиянын аймагында иштеген мигранттар 2017-жылдын алгачкы үч айында Кыргызстанга 433 млн доллар которушкан.
Ал эми 2016-жылы бул сумма 291 млн долларды түзгөн. Жалпы жонунан соңку 12 жылда кыргыз мигранттары өз өлкөсүнө 16,4 млрд доллар акча каражатын которушкан.
ТЕМА БОЮНЧА:
- Кыргызстандын эмгек мигранттары Орусияда пенсия ала алышат. Бирок баары эмес
- Орусия: Мигранттардын үй-бүлөсү медициналык жардам алуу мүмкүнчүлүгүнөн ажыратылышы мүмкүн