Биринчи вице-премьер-министр Толкунбек Абдыгулов президенттик шайлоолорду өткөрүү жана даярдоо боюнча штабдын жетекчилигине дайындалды. Аны бул кызматка вице-премьер-министр Темир Жумакадыров каза болгондон кийин дайындашты.
Абдыгуловду президенттик шайлолоорду өткөрүү жана даярдоо штабынын башчылыгына дайындоо боюнча жарлыкка 10-октябрда премьер-министр Сапар Исаков кол койду.
Ошондой эле, штабдын курамына өкмөттүк аппараттын башчысы Нурханбек Момуналиев жана өкмөттүк аппараттын эл аралык кызматташтык бөлүмүнүн башчысы Айбек Айдарбеков кирди.
Мурдараак штабды 7-октябрда жол кырсыгынан каза болгон вице-премьер-министр Темир Жумакадыров жетектеп турган.
Жумакадыровго чейин өкмөттө шайлоолорду өткөрүүгө вице-премьер-министр Дүйшөнбек Зилалиев жоопту болчу. Бирок ал бийликчил президенттикке талапкер Сооронбай Жээнбековго «жеке артыкчылык көрсөткөнү» үчүн бул кызматтан алынган.
Ал эми президенттик шайлоо 2017-жылдын 15-октябрында өтөт. Учурда өлкө башчылык кызмат үчүн 11 талапкер ат салышууда. Президенттик жарыштын алдыңкылары болуп мурдагы премьер-министрлер Сооронбай Жээнбеков, Өмүрбек Бабанов жана Темир Сариев эсептелет.
ТЕМА БОЮНЧА:
- Вице-премьер-министр Темир Жумакадыров жол кырсыгынан каза тапты
- Исаков Зилалиевди шайлоо штабынын жетекчилик кызматынан алды