Бишкек-Ош автожолунун 264-километринде күйүүчү май ташыган унаа Чычкан дарыясына кулап түшкөн. Унаанын ичиндеги үч адамдын бири мерт болуп, экөөсү ооруканага жаткырылды.
Өзгөчө кырдаалдар министрлигинин маалымат кызматынан «Клоопко» кабарлагандай, 20-январь күнү кечинде 38 тонна солярка ташып бараткан унаа Чычкан дарыясына кулап түшкөн.
Кырсыктан унаанын ичиндеги айдоочунун жардамчысы көз жумуп, жаракат алган эки адам Токтогул райондук ооруканасына жаткырылган.
«Бишкек-Ош автожолунун 264-километринде "Фредлайнер" үлгүсүндөгү бензовоздун айдоочусу рулду башкара албай, жолдон чыгып Чычкан дарыясына кулап кеткен. Куткаруучулар унаадан бир кишинин сөөгүн жана эки жараат алган адамды алып чыгышкан», — деп маалымдашты министрликтен.
ӨКМ күйүүчү майдын канчасы дарыяга төгүлгөнүн тактап жатат.
ТЕМА БОЮНЧА:
- Бишкек-Ош жолунда төрт адам каза болду, үч киши ооруканада
- Видео: Бишкек-Ош жолунда жүк ташыгычтар сүзүшүп, бир айдоочу мерт болду