Кыргызстандын Коопсуздук кеңешинин катчысы Дамир Сагынбаев финполдо иштеген Исламбек Матраимов агасы, бажы кызматынын башчысынын мурдагы орун басары Райымбек Матраимовдун мүлкүн текшерүүгө кийлигишпестигин билдирди.
Сагынбаев Исламбек Матраимов агасынын мүлкүн текшерүүгө кийлигишпейт, андыктан тергөөгө жолто кылбайт деп ишендирди.
«[Исламбек Матраимов] Райымбек Матраимовдун мүлкүн иликтеп жаткан финпол, прокуратура органдары жана башка ыйгарым укуктуу кызматкерлер боюнча маалыматты текшерүү иштерин жүргүзбөй эле», — деди Коопсуздук кеңешинин катчысы.
Исламбек Матраимов өзү Финполдо ички иликтөө жана коопсуздук башкармалыгын жетектейт.
Матраимовду текшерүү
Финпол 31-январда Райымбек Матраимовдун мүлкүн текшере баштаган. Декабрь айында президент Сооронбай Жээнбеков өзүнүн жыл жыйынтыгы боюнча курган басма сөз жыйынында бийлик мурдагы бажычыга карата иликтөө баштаарын убада кылган.
2017-жылы февралда «Азаттыктын» журналисттери аткаминердин наамындагы хан сарайларды, супермаркеттерди жана спорт ордолорун табышкан.
Экс-президент Алмазбек Атамбаев Матраимовду бажы тармагындагы коррупциялык схемалардын «көмүскө кардиналы» деп атаган.
Ошол кезде премьер-министр болуп турган анын жакын үзөңгүлөшү Сапар Исаков, Матраимовду Жээнбеков президенттик кызматка келгенге чейин бир күн мурда бажы кызматынын жетекчи орун басарлык кызматынан алган.
Бирок 2018-жылдын ортосунда сот Матраимовду кызматка кайтарууну токтом кылган, анткени ал «саясий мүнөздө кызматынан бошотулган». Бул азыркы жана мурдагы президенттердин ортосундагы жаңжалдын фонунда болгон.
ТЕМА БОЮНЧА:
• Президенттик аппарат: Финпол Райымбек Матраимовдун мүлкүн текшере баштады
Шаардык сот Райымбек Матраимовго бажы кызматына кайтууга уруксат берди
