Улуттук коопсуздук боюнча мамлекеттик комитети (УКМК) экс-депутат Ширин Айтматованын күйөөсү Сыргак Кенжебаевдин кылмыш ишин Ички иштер министрлигине өткөрүп берди.
УКМКнын басма сөз кызматы маалымдагандай, бул факт боюнча иш кылмыш ишин ички иштер органдарына өткөрүп берүү тууралуу маселени чечүү үчүн Башкы прокуратурага жөнөтүлгөн.
Эмне үчүн алдамчылыкка байланыштуу иштин үстүнөн УКМК иштеп жатканы бүгүнкү күнгө чейин белгисиз.
Кенжебаевге каршы арыз берген ишкер Мотайлифу (Муталиф) Маймайтямингдин адвокаты Жанара Аскар кызы Айтматованын күйөөсү кардарын ИИМдеги байланыштары менен коркутканын, ошондуктан алар «14ү же 15-декабрда» УКМКга кайрылышканын билдирген. Кытайлык ишкер Мотайлифу (Муталиф) Маймайтяминг Кенжебаев анын 350 миң долларын алып алып, дагы 250 миң доллар опузалаганын айтууда.
Аэропорттон жоголуу
Айтматова үй-бүлөсү менен Алматага учуп келгенден кийин ага күйөөсүнөн «мени кармап кетишти» деген кат келген. Мындан кийин активист күйөөсүн издеп Казакстандык укук коргоо органдарыны жана чек ара кызматына кайрылган, бирок алар билишкен эмес же Кенжебаевдин кармалышы тууралуу эч нерсе айтышкан эмес.
Кыргызстандын УКМКсы 20-декабрь күнү эртең менен гана Кенжебаев кармалып, ведомствонун изоляторуна киргизилгенин кабарлаган. Айтматова өзү муну репрессия деп атаган.
Ширин Айтматова — дүйнөлүк адабияттын классиги Чыңгыз Айтматовадун кызы, экс-депутат жана саясий активист. Ал 2019-жылы коррупцияга каршы активисстик иш алып бара баштап, «Үмүт 2020» кыймылын негиздеген. Бул кыймыл Bellingcat борборундагы иликтөөчүлөр менен кызматташып, видео иликтөөлөрдү жасайт.
Ал укук коргоо органдарынын жолдошуна карата кызыгуусу өз иликтөөсүндө бажы бажчысынын мурдагы орун басары Райымбек Матраимовдун ишмердиги башкы объект болуп калгандан кийин пайда болгонун айтууда.
Матраимов «Азаттык», «Клооп» жана OCCRPнин кыргыз бажысындагы коррупция тууралуу биргелешкен иликтөөсүнүн фигуранты. Журналисттик иликтөө үстүбүздөгү жылдын ноябрь жана декабрь айларында чыккан. Ал материалдар жарык көргөндөн кийин Матраимов жана анын туугандары иликтөөнү жазган журналисттерди сотко беришкен.
