Кыргызстанда коронавирус жуктурган дагы 11 бейтап каза болду. Бул тууралуу Республикалык штаб 15-июлда кабарлады. Алар:
- Бишкектеги Кыргыз-Түрк достук ооруканасынан — 1 (эркек, 63 жашта);
- Бишкектеги № 1 Шаардык клиникалык ооруканасынан — 1 (эркек, 64 жашта);
- Бишкектеги Республикалык клиникалык инфекциялык ооруканасынан — 1 (аял, 72 жашта);
- Бишкектеги Улуттук фтизиатрия борборунан — 1 (эркек, 64 жашта);
- Чүй облусундагы Жайыл аймактык ооруканасынан — 2 (аялдар – 54, 61 жашта);
- Баткен облустук ооруканасынан — 2 (эркек, 49 жашта, аял, 58 жашта);
- Ош облусундагы Ноокат аймактык ооруканасынан — 1 (аял, 55 жашта, медик);
- Ысык-Көл облусундагы Тоң аймактык ооруканасынан — 2 (эркек, 58 жашта, аял, 36 жашта).
Ушуну менен коронавирусту жуктуруп каза болгон бейтаптардын саны 160ка жетти. Ноокат аймактык ооруканасында каза болгон медкызматкер санитардык-эпидемиологиялык көзөмөлдөө борборунун жетекчиси Айчүрөк Келдибекова — ал 55 жашта болгон.
Саламаттык сактоо министрлигинин расмий маалыматына ылайык, өлкөдө коронавирус жуктурган алты медкызматкер көз жумду. Өкмөт иш убагында коронавирусту жуктуруп, каза болгон медкызматкердин үй-бүлөсүнө 1 млн сом компенсация төлөп берет.
Ошондой эле өткөн суткада пневмонияга чалдыккан, бирок COVID-19 илдетти аныкталбаган 74 бейтап көз жумду — алардын 17си Бишкек шаарында катталды. Март айынан бери пневмониядан жалпы 571 адам каза болду.
