![](https://ky.kloop.asia/wp-content/uploads/sites/6/2020/10/ajykty3-1.jpg)
Республикалык штабдан 17-октябрда коронавирустун жаңы 470 учуру катталганын маалымдашты. Ооруга чалдыккандардын 403ндө COVID-19 лабораториялык аныкталган, ал эми калган 67синде клиникалык-эпидемиологиялык тастыкталган.
Аймактар боюнча көрсөткүч:
Ош облусу — 97;
Бишкек — 98;
Жалал-Абад облусу — 98;
Баткен облусу — 82;
Ош шаары — 38;
Чүй облусу — 32;
Ысык-Көл — 17;
Талас облусу — 7;
Нарын облусу — 1.
Жалпысынан Кыргызстанда COVID-19га чалдыккан бейтаптардын саны 51 490га жетти. Аймактар боюнча коронавирустун эң көп учуру Бишкекте катталды — 18 866. Ал эми Чүй облусунда — 5 869, Ош облусунда — 5 560, Жалал-Абадда — 5 599, Ысык-Көлдө — 4 206, Ош шаарында — 3 958, Баткенде — 4 096, Нарын облусунда — 1 783 жана Талас облусунда — 1 553 учур катталды.
Ошондой эле, акыркы суткада 221 бейтап коронавирустан айыгып, үйлөрүнө чыгарылды. Сакайгандардын эң көбү Ош облусунда катталды — 63, Жалал-Абад облусунан — 40, Бишкек шаарынан— 36, Ош шаарынан — 6, Баткен облусунан — 30, Чүй облусунан — 23, Ысык-Көл облусунан — 20, Талас облусунан — 3бейтап сакайды.
Ушуну менен өлкө боюнча 45 509 бейтап оорудан айыкты. Ооруканаларда 2 353бейтап, ал эми үй шартында 2049 киши дарыланып жатат. Инфекция жалпы 1108 адамдын өмүрүн алды.
Акыркы суткада 21 медкызматкерден коронавирус аныкталды. Бишкек шаарынан, Жалал-Абад облусунан — бештен, Ош шаарын жана Талас облусунан — бирден, Баткен облусунан — алты жана Ысык-Көл облусунан — үч медик COVID-19га чалдыккан. Ал эми бир суткада алты медик айыкты жана үй шартында 11 медкызматкер сакайды.
Ушуну менен коронавирус жуктурган медицина кызматкерлеринин жалпы саны 3 529га жетти, анын ичинен 3 145 медкызматкер илдеттен айыкты.