Республикалык штаб 1-январда Кыргызстанда коронавирустун жаңы 122 учуру катталганын маалымдады. Илдетти жуктургандардын арасында төрт медициналык кызматкер бар.
COVID-19 инфекциясынын 43 учуру Бишкек шаарында катталды — анын ичинде бир медкызматкер бар. Ошондой эле илдет Чүй облусунда — 39 (эки медкызматкер), Ысык-Көл облусунда — 25, Ош облусунда жети, Жалал-Абад жана Баткен облустарында үчтөн (бир медкызматкер), Нарын облусунда эки кишиден аныкталды.
Ал эми коронавирустан акыркы суткада 230 бейтап сакайды — алардын арасында тогуз медик бар.
Коронавирустан Бишкек шаарында — 94, Чүй облусунда — 54, Ысык-Көл облусунда — 28, Ош облусунда — 26, Баткен облусунда тогуз, Жалал-Абад облусунда жети, Ош шаарында алты, Талас жана Нарын облустарында үчтөн бейтап сакайып, ооруканадан чыгарылды.
Мындан сырткары Бишкек шаарында COVID-19 жуктурган бир бейтап каза болду.
Ушуну менен Кыргызстанда COVID-19 инфекциясын жуктургандардын саны 81 156га жетти. Анын ичинен 76 148 бейтап айыгып, 1 356 киши көз жумду. Алгач, 18-августта, COVID-19дан улам каза болгон бейтаптардын саны 1 498ге жеткен, бирок Саламаттык сактоо министрлиги алардын санын 29 пайызга азайткан.
Коронавирустун аймактар боюнча жалпы көрсөткүчү:
Бишкек шаары — 26 877;
Чүй облусу — 11 546;
Жалал-Абад облусунда — 9 805;
Ош облусунда — 8 252;
Ысык-Көл облусунда — 7 227;
Баткен облусунда — 7 137;
Ош шаарында — 5 511;
Талас облусунда — 2 545;
Нарын облусунда — 2 256.
Бүгүнкү күндө илдеттен 991 бейтап ооруканаларда дарыланып жатат — алардын ичинен 50 киши өтө оор абалда. Ошондой эле, 1 746 адам үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
