20-июнда коронавирустун жаңы 730 учуру катталды. Анын ичинде лаборатордук тастыкталганы — 701, клинико-эпидемиологиялык тастыкталганы — 29. Бул тууралуу республикалык штабдан маалымдашты.
Аймактар боюнча көрсөткүч:
Бишкек шаарында — 312;
Ош шаарында — 100;
Чүй облусунда — 74;
Ош облусунда — 74;
Жалал-Абад облусунда — 68;
Ысык-Көл облусунда — 22;
Нарын облусунда — 2;
Талас облусунда — 13;
Баткен облусунда — 65.
Жалпысынан Кыргызстанда COVID-19га чалдыккан бейтаптардын саны 115 030га жетти.
Ал эми акыркы суткада 344 бейтап коронавирустан айыгып, үйлөрүнө чыгарылды. Бишкек шаарында — 205, Чүй облусунда — 47, Ош шаарында — 21, Ош облусунда — 26, Талас облусу — 2, Ысык-Көл облусунда — 10, Жалал-Абад облусунда — 16, Баткен облусунда — 15, Нарын облусунда — 2 бейтап сакайды.
Ушуну менен өлкө боюнча 105 050 киши оорудан айыкты. Ооруканаларда 2 375 бейтап дарыланып жатат. Анын ичинен 709 киши оор, 99 бейтап өтө оор абалда. Ал эми үй шартында 4 611 киши дарыланып жатат.
Акыркы сутка ичинде жүргүзүлгөн ПЧР изилдөөлөрдүн саны — 5 473.
Мындан сырткары, акыркы суткада Бишкек шаарында — төрт, Чүй жана Жалал-Абад облустарында — бирден COVID-19ду жуктурган бейтап каза болду. Кыргызстанда илдеттен 1 931 киши көз жумду.
Ошондой эле, акыркы суткада 27 медицина кызматкеринен коронавирус аныкталгандыгы кабарланды. Бишкек шаарында — 6, Чүй, Талас жана Жалал-Абад облустарында — экиден, Ош шаарында — 3, Ош облусунда — 7, Баткен облусунда — беш медик COVID-19га чалдыккан. Коронавирус жуктурган медицина кызматкерлеринин саны 5 085ге жетти, анын ичинен 4 747 медкызматкер илдеттен айыкты.
