Грек-рим күрөшү боюнча Олимпиадага катышып жаткан кыргыз балбаны Акжол Махмудов күмүш медалга ээ болду. Токиододогу Олимпиада-2021 жайкы оюндарында Кыргызстан алгачкы медалга ээ болду.
Махмудов финалдык беттеште венгриялык спортчу Тамаш Лёринчтен 2:1 эсебинде утулду. Ал финалдык беттеште алтын медаль үчүн күч сынашкан болчу.
Махмудов турнирдеги биринчи беттешинде тунистик спортчу Ламьед Маафини 11:0 эсебинде утуп, чейрек финалга чыкккан. Ал эми чейрек финалда азербайжандык спортчу Рафиг Хусейновду 9:1 эсебинде утуп, финалга чыккан болчу.
Токио Олимпиадасында өлкөгө алгачкы медаль алып келген Акжол Махмудов 2008-жылдагы Канатбек Бегалиевдин Пекин Олимпиадасындагы жетишкендигин кайталады. Кыргызстан эгемендүүлүк алгандан бери Олимпиада оюндарында республиканын күрөш боюнча курамасы ийгиликтерди багындырып, өлкө байрагын желбиретип келет.
It's a first Olympic medal since 2008 for Kyrgyzstan! #KGZ
Akzhol Makhmudov has created history with a #Silver in the men's Greco-Roman 77kg category! #StrongerTogether | @Tokyo2020 | @Wrestling | #Wrestling pic.twitter.com/2aWmPr0JaA
— Olympics (@Olympics) August 3, 2021
Акжол Махмудов 22 жашта. Ал эл аралык класстагы спорт чебери. Азия чемпиону жана Азия оюндарынын күмүш медалынын ээси. Апрель айында Алматыда өткөн турнирде Токио Олимпиадасына жолдомо алган.
