Белгилүү теле алып баруучу Алексей Филатовдун сөөгү Аламүдүн районундагы Восток айылында жерге берилди. Бул тууралуу Маданият, маалымат Маданият, маалымат, спорт жана жаштар саясаты министрлигинин басма сөз кызматы «Клооптун» кабарчысына билдирди.
«Анын [Алексей Филатовдун] чыгармачылык ишмердүүлүгү жаңы теле долбоорлорду түзүүгө жана жаш таланттарды издөөгө багытталган. Алексейдин баскан жолу жаш муун үчүн мыкты үлгү болчу. Жакындарына терең кайгыруу менен көңүл айтабыз», — деп жазылат министрликтин билдирүүсүндө.
Алып баруучу жана шоумен Алексей Филатов 12-сентябрга караган түнү пневмониядан каза болгон. Филатов эки жарым айдан кийин 33 жашка чыкмак.
Алексей Филатов коомчулукка КТРКдагы «Хит-парад» программасын алып баргандан кийин таанылган. Ошондой эле, ал «Филатов мектеби» аталышындагы жеке бий мектебин түптөп, башка дагы көңүл ачуучу иш-чаралар менен программаларды уюштуруп жүргөн.
