Ош шаарында 8 жаштагы кызга ыплас аракеттерди жасоого шектелген эркек киши кармалды. Бул тууралуу Ош ШИИБден билдиришти.
Маалыматка караганда, окуя 13-октябрь саат 10:00 чамасында катталган. Жабырлануучунун ата-энеси шектүү кызга ыплас аракеттерди жасаганын билдирген.
Бул факт «Сексуалдык мүнөздөгү зомбулук аракеттер» беренеси менен катталып, тергөө иштери башталды.
Учурда тиешелүү экспертизалар дайындалган.
Кыргызстанда 2022-жылдын башынан бери балдарга карата 400дөн ашык зордук-зомбулук фактысы катталган.
Зомбулук фактылары жыл сайын өсүп жатат. Июль айынын аягында ички иштер министри Улан Ниязбеков жашы жете электерге карата жасалган кылмыштардын саны өскөнүн билдирген.
