Баңгизаттарды мыйзамсыз жүгүртүүгө каршы күрөшүү кызматынын беш кызматкери кармалгандан кийин 18 жетекчи жазаланып, алтоо кызматынан бошотулду. Бул тууралуу 19-августта ИИМден кабарлашты.
Азыр алты жетекчинин төртөө кызматынан бошотулуп, экөө тууралуу буйрукка кол коюлган соң маалымат берилери айтылды. Иштен бошотулгандар:
- Бишкек ШИИББнин башчысы Азамат Ногойбаев;
- Бишкек ШИИББнин башчысынын ыкчам иштери боюнча орун басары Кылычбек Жолдошов;
- Бишкек ШИИББнин баңгизаттарды мыйзамсыз жүгүртүүгѳ каршы күрѳшүү боюнча кызматынын башчысы Мухтарбек Токтогулов;
- Чүй ОИИБнин баңгизаттарды мыйзамсыз жүгүртүүгө каршы күрөшүү боюнча кызматынын башчысы Азамат Имангазиев.
Мындан тышкары ИИМдин дагы 12 кызматкери тартиптик жазага тартылды:
- ИИМдин баңгизаттарды мыйзамсыз жүгүртүүгө каршы күрөшүү кызматынынын жетекчилик курамындагы беш кызматкер;
- Бишкек ШИИББнин жетекчилик курамдагы үч кызматкер;
- Чүй ОИИБнин жетекчилик курамдагы төрт кызматкер.
17-августта УКМК баңгизатты мыйзамсыз жүгүртүү учурларын жашыруу жана пара опузалоого шектеп ИИМдин беш кызматкерин кармаган. Алар баңгизаты бар кишилерди Whatsapp жана Telegram аркылуу аныктап, аларды атайылап кармагандай түр көрсөтүшкөнү айтылат.
