Ош шаарынын Курманжан датка көчөсүндө атайын рецепти жок эркин сатууга тыюу салынган, адамдын аң-сезимине оор таасир этүүчү дарылардын 2 түрүн сатып жаткан дүкөн аныкталды. Бул тууралуу 17-октябрда Ош ШИИБден билдиришти.
Маалыматка ылайык, бул бузууну милиция кызматкерлери менен Саламаттык сактоо министрлигинин дары каражаттары жана медициналык буюмдар департаментинин өкүлдөрү текшерүү учурунда аныкташты.
«Сатуучунун дары-дармек сатууга атайын билими болгон эмес, азык-түлүк дүкөнүндө сатып жаткан. Ал көрсөтмөсүнө караганда, дүкөндүн ээси — 32 жаштагы Ош шаарынын тургуну дарыларды алып келип, бааларын коюп, сатуу керектиги айтылган», — деп жазылат билдирүүдө.
Бул факт боюнча сатуучудан жана дүкөн ээсинен тиешелүү түшүнүк каттар алынып, Дары каражаттары жана медициналык буюмдар департаментинин кызматкерлери тарабынан акт түзүлдү.
Учурда териштирүү иштери уланууда.
ТЕМА БОЮНЧА:
Бишкек: Милиция кызматкерлери баңгизат саткан интернет-дүкөндүн ээсин кармашты
