Мамлекеттик салык кызматы мамлекеттик жана муниципалдык кызматкерлердин жана алардын туугандарынын кирешелери менен кыймылсыз мүлктөрү боюнча декларацияларын жарыялады.
Депутат Шаршенбек Абдыкеримовдун 2020-жылга карата декларациясы жарыяланды.
Документке ылайык, ал бир эле жылда 8 514 141 сом киреше таап, 11 337 283 сом короткон.
Абдыкеримов эки батирге ээлик кылат: биринин аянты 288 чарчы метр, экинчисиники 100 чарчы метрди түзөт. Анын үч үйү бар: шаар сыртында аянты 12 чарчы метрлик дача, параметри ушундай эле дагы бир дача үйү жана аянты 1142 чарчы метр турак жай.
Алкомагнаттын башка дагы объектилери бар — алардын жалпы аянты 321 чарчы метр. Ошондо эле, аянты 471 чарчы метр бакчага ылайыкталган жер тилкелери бар.
Кыймылдуу мүлк бөлүгүндө үч автоунаасы көрсөтүлгөн — бир «Range Rover» жана эки «Mercedes-Benz».
Ошондой эле, декларацияда ишенимдүү башкарууга өткөрүлгөн мүлкү бар, бул компанияларды Абдыкеримовдун пайыздык үлүшү бар. Мындай алты компаниясы бар: «АЮ» ЖЧКсы (30%), «Дженерал Менеджмент» ЖЧКсы (69%), КФХ «Ак Сарай» (100%), «АЮ Констракшн» ЖЧКсы (35%), «Бермет» ЖАКы (47%), «АЮ Финанс» МКК ЖАКы (100%).
Шаршенбек Абдыкеримов деген ким?
2016-жылы алкомагнат Абдыкеримов Лондондогу The Tower – One St. George Wharf. мунарасында батири бар экенин тастыктаган.
Абдыкеримов — «Кыргызстан» парламенттик фракциясынын учурдагы депутаты. Ошондой эле, ал Кыргызстандын олимпиада комитетин жетектеген. Жакында болуп өткөн парламенттик шайлоого Нарын бир мандаттуу округунан талапкер катары катышкан, бирок 19-ноябрда парламенттик шайлоодон талапкерлигин алып салганын билдирген.
Мындан тышкары Абдыкеримов «Аю Холдингдин» карамагындагы арак өндүргөн «Аю» заводунун негиздөөчүсү.
