Бишкек — Нарын — Торугарт унаа жолунун 78-чакырымында жол кырсыгы катталып, сегиз адам каза болду. Бул тууралуу Жол кыймылынын коопсуздугунун камсыздоо башкы башкармалыгынан билдиришти.
Маалыматка ылайык, кырсык 27-майда катталды. Анда оң рулдуу «Хонда Одиссей» унаасы каршы тилкеге чыгып, автоманипулятор менен кагышкан. Кырсыктын кесепетинен жеңил унаадагы сегиз адам окуя болгон жерде жан берген.
ИИМдин жол кайгуул милициясынын маалыматына ылайык, 2022-жылы өлкөдө 7040 жол кырсыгы катталган. Андан 690 киши каза таап, 11 миң 49 киши жаракат алган.
