Кыргызстандык балбан Калмира Билимбек кызы Иорданияда күрөш боюнча 20 жашка чейинки (U20) спортчулардын арасындагы дүйнө чемпионатында коло медалды багындырды. Бул тууралуу 18-августта Дене тарбия жана спорт департаменти билдирди.
Билимбек кызы 59 кг салмакта таймашты. Ал финалдын 1/16 өзбек атаандашын 11:1 эсебинде, ал эми финалдын 1/8 казакстандык спортчуну 8:1 эсебинде жеңди.
Ал эми чейрек финалда жапониялык спортчуну 10:0 эсебинде утуп, финалдык беттеште бейтарап туунун алдында чыккан Алеса Гетмандан жеңилди.
Билимбек кызынын коло медалы— Кыргызстандын аталган чепионаттан келген биринчи медалы.
Балбан кыз 2021-жылы да дүйнө чемпионатына катышкан, анда күмүш медаль тагынган. Ал эми 2023-жылдын апрелинде өткөн Азия чемпионатында коло байгени багынткан.
