Президент Садыр Жапаров «Жогорку Кеңештин депутатынын макамы жөнүндө» мыйзамга киргизилген өзгөртүүлөргө кол койду.
Мамлекет башчынын басма сөз кызматы бул документти парламент 14-ноябрда кабыл алганын билдирди.
Ага ылайык, соттор депутатты кылмыш жоопкерчилигине тартууга макулдук алуу үчүн парламентке кайрылуу укугунан ажырады.
«Мындан ары тиешелүү сунушту Жогорку Кеңешке башкы прокурор гана киргизе алат», — деп белгилешти басма сөз кызматтан.
