Аяна Касымова орусиялык популярдуу «Артист» ыр сынагынын финалына өтпөй калды — Кыргызстандан барган окуучу кызга көрүүчүлөрдүн добуштарынын 3 гана пайызы жетпей калды.
Аянанын атаандашы Ромади Кагита болду — шоунун эрежеси боюнча, катышуучулар эки-экиден болуп түгөйлөргө бөлүшүшүп, атаандаштары аткара турган ырларды тандашкан. Кыргызстандык катышуучу «When I was your man» деген ырды акыркы түгөйдө аткарды.
Катышуучулардын тагдырын онлайн-добуш берүү аныктады — көрүүчүлөр смартфондор үчүн бекер колдонмонун жардамы менен жеңүүчүнү тандап алышты.
Аяна Касымова көрүүчүлөрдүн добуштарынын 82 пайызына ээ болду. Бирок финалга Ромади өттү — ал үчүн көрүүчүлөрдүн 85 пайызы өз добуштарын беришкен.
«Артист» шоусу — 2013-жылы популярдуу болгон Израилдин Rising Star деген музыкалык берүүсүнүн анологу.
