ИИМдин басма сөз кызматы Кыргызстандын мурдагы башкы прокурору Аида Салянованын кармалышы тууралуу билдирди.
Аны кармоо кримтөбөл Азиз Батукаевдин 2013-жылы мыйзамсыз бошотулушу тууралуу иликтөөнүн шартында болду. Чуу жараткан Батукаевдин эркиндикке чыгуусу өлкөнүн башкы прокурору болуп Аида Салянова иштеп турган учурга туш келген.
Ал буга чейин кримтөбөлдүн бошотулушуна тиешеси жок экендигин айтып келген. Анын айтуусу боюнча, ал Батукаевди бошотушкандыгы тууралуу кримтөбөл Кыргызстандан чыгып кеткенден кийин билген.
«Кантип кана кетпесин, прокурорлордун иш-аракеттери мыйзамдуу болгон деп эсептейм жана башкаларды эмес, ошолорду коргоого аракет кылам», — деген ал.
Батукаевдин бошотулушу тууралуу иш боюнча экс-вице-премьер-министр Шамил Атаханов, мурдагы саламаттык сактоо министри Динара Сагынбаева үй камагында, анын ичинде кримтөбөлгө лейкоз диагнозун коюшкан врачтар кармалышкан.
Ал тек гана ушул диагноздун негизинде колониядан бошотулуп, андан соң Кыргызстандан Чеченстанга чыгып кеткен. Кыргызстандын экс-президенти Алмазбек Атамбаев Батукаевди кайра өткөрүп берүүнү суранып бир нече жолу Орусиянын президенти Владимир Путинге кайрылган, бирок бул орундалган эмес.
